دعوة لمحبى الداعية الاسلامى مصطفى حسنى ان يبحثوا معه عن الكنز المفقود!!

شكرا ليكى يا مريومة

انا اتفرجت امبارح على اول حلقة من البرنامج وعجبنى اوى

بجد الاستاذ مصطفى حسنى شاب صالح و محبوب وبياثر فى الشباب اللى زيكم والكبار اللى زينا

وانا لبيت دعوتك واتفرجت على البرنامج

بس كان ليا طلب عندك يا مريومة

لو تقدرى تجبيلى مواعيد باقى الدعاه زى معز مسعود وعمرو خالد والقنوات اللى بتتعرض البرامج دى عليهم ابقى شاكرة ليكى

ولا انتى علشان بتحبى الداعية مصطفى حسنى ماجبتيش مواعيد برامج حد غيره

هههههههههه

لو قدرتى يا حبيبتى تجبيلى المواعيد لانى مش عارفة مواعيدهم ايه

وجزاكى الله خيرا يا بنتى الصغيرة

جزاكى الله كل خير يا طنط ام فرح

وشكرا على تلبية الدعوة وان شاء الله تقدرى تستفيدى من البرنامج ده ويكون سبب فى قربنا من الله عز وجل

وانا جبت لحضرتك مواعيد باقى الدعاة علشان ماتزعليش والله انا جبت ميعاد برنامج الداعية مصطفى حسنى لانه اكثر

واحد بسمعه وبحب اسلوبه فى الكلام لكن طبعا باقى الدعاه ربنا يكرمهم ويزيدهم يارب باردوا عاملين رمضان ده برامج

جميلة اوى اوى بالاخص عمرو خالد ومعز مسعود

شكرا جزيلا ليكى حبيبتى مريومة

ربنا يجعله فى ميزان حسناتك